അമ്മ

രാമഴയുടെ അദൃശ്യ പെയ്ത്തില്
അമ്മയുടെ മണം.
അടുക്കളയില്
ശ്രാദ്ധമൂട്ടിനായി തിരക്ക്.
കിഴക്കേ പാടം പുഴയായി.
ഇരുട്ടിലൂടെ തോണി...

മുനിഞ്ഞു കത്തുന്നത് അമ്മയോ?

അഴയില്മഴയില്ചീര്ത്ത ജാക്കറ്റ്.
ആ മണം
കാച്ചിയ എണ്ണയുടെ ,
ചന്ദനത്തിന്റെ ,
പോണ്ട്സ് പൌഡറിന്റെ ....

ഇനിയുള്ള ദൂരം
തനിയെ എന്നറിയുമ്പോഴും
അങ്ങനെ അല്ലാതാവാന്
അക്ഷരങ്ങളെ നെഞ്ചോട്ചേര്ത്ത് ,
അമ്മയുടെ മണം ചാലിച്ച്
മുന്നോട്ട്...

പറയൂ,
പൂഴിയില്വരച്ച നീ
എനിക്കെന്നും തുണയാവില്ലേ?
അതോ
മനുഷ്യരെ പോലെ നീയും?!

ഇല്ല,
ഓരോ പദത്തിലും
അലക്കാനിട്ട ജാക്കറ്റിന്റെ മണം
എന്റെ അമ്മയുടെ.

ഇനി നിന്നെ
അമ്മേ അമ്മേയെന്നു ചൊല്ലി
അനുഗമിക്കാം.

ഡോ.എം. പി. സലില - ഡോ.എം. പി. സലില ഈ ലക്കത്തില്‍.....

Tags: Thanal Online, web magazine dedicated for poetry and literature ഡോ.എം. പി. സലില, അമ്മ