ഒടുക്കത്തെ അത്താഴം

മേരിലില്ലി

ഇന്നലത്തെ അത്താഴം
ഒടുക്കത്തെ അത്താഴമായിരുന്നു.

 

ഓര്മ്മകളുടെ പൊതിയഴിച്ചു
നാമോരോ പിടി
വിറങ്ങലിച്ച ചോറ്
വാരിയുണ്ടതും
ഭൂതകാലത്തിന്റെ
എരിവും പുളിയും
പാകത്തിലേറെ
ചാലിച്ച ചാറില്
നിന്നിത്തിരി നാവിന്
തുമ്പത്തു തൊട്ടുവെച്ചതും

കാഞ്ഞിര ചവര്പ്പാര്ന്ന
വര്ത്തമാനത്തിന്റെ
ദാഹജലം കുടിച്ചതും
വ്യഥകാലത്തിന്റെ
കരിമ്പടം പുതച്ചു
രാവുറങ്ങിയതും

ഇരുട്ടത്തു കണ് മിഴിക്കാതെ
വിരല്ത്തുമ്പാല്
പരതിയപ്പോള്
നീയുണ്ടായിരുന്നില്ല.

    
മേരിലില്ലി - Tags: Thanal Online, web magazine dedicated for poetry and literature മേരിലില്ലി, ഒടുക്കത്തെ അത്താഴം
ഈ രചയിതാവിന്റെ മുന്‍ലക്കങ്ങളീലുള്ള രചനകള്‍ കാണുക