വാല്യം 6 | ലക്കം 3 | ഒക്ടോബര് - നവംബര്
2012 |
- എഡിറ്റോറിയല്‍
- എഡിറ്ററുടെ ഇഷ്ടം
- കവിതകള്‍
- അനില്‍ ജിയേ
- എസ്. കണ്ണന്
- കീര്‍ത്തനാവിശ്വനാഥ്
- കെ.ജി.സൂരജ്
- ഗിരീഷ് വര്‍മ്മ
- ഗീതാ രാജന്
- നിതിന്‍വര്‍മ്മ
- ബാലകൃഷ്ണന്‍ മൊകേരി
- ബോസ് കുഞ്ചേരി
- രതീഷ് കൃഷ്ണ
- രശ്മി കിട്ടപ്പ
- രാജു. കെ. കാഞ്ഞിരാട്‌
- രാജേഷ് ചിത്തിര
- സംഗീതാനായര്‍
- സാജിദാ അബ്ദുറഹ്മാന്‍
- സി. എന്‍ കുമാര്‍
- സി. പി. അബൂബക്കര്‍
- കഥകള്‍
- രാഷ്ട്രീയം
- സാംസ്കാരികം
- സാഹിത്യം
- സ്മരണ
തനിച്ചിരിപ്പുകള്‍
സംഗീതാനായര്‍
ഇരുളിലൊറ്റയ്ക്കിരിക്കയാണല്ലി
വിരല്‍തൊടാതെ, വാക്കുരുവിടാതെ നാം
കരള്‍ വരമ്പുകള്‍ക്കിടയിലെന്തിനോ
മൊഴികള്‍ തന്‍ ചിറ മുറിവു തേടുന്നൂ
പുറത്തഗാധമാമിരുള്‍ വഴികളില്‍
പുണര്‍ന്നുനിന്നിരുമരത്തലപ്പുകള്‍
നനുത്തകാറ്റാല്‍ ചികഞ്ഞ മൗനങ്ങള്‍
പതിയെയോരോന്നടര്‍ത്തിനീക്കിയോ?
ഇണവരാഞ്ഞൊരു ചെറിയകൂട്ടിലാ-
യിമകള്‍ പൂട്ടാതിരിപ്പു രാക്കുയില്‍
ഇടഞ്ഞ ചങ്കില്‍ നിന്നൊരു നുറുങ്ങുപാ-
ട്ടൊഴുകി വന്നുവോ കരള്‍ തുളച്ചുവോ?
പ്രണയമൊട്ടുമേ പകരുകില്ലെങ്കില്‍
പതഞ്ഞു ചുണ്ടോടുക്കുകില്ലെങ്കില്‍
ഹൃദയമാകുന്ന ചഷകമെന്തിനാ-
യിനിയുടയാതെ കരുതി വെയ്ക്കണം?
ഇനിയുമെത്ര രാവിതുപോല്‍ നമ്മളീ
തനിച്ചിരിപ്പിന്റെ തണുപ്പ് പേറണം
കുമിഞ്ഞ നൊമ്പരത്തലച്ചുമടുമായ്
കുനിഞ്ഞു കാതങ്ങള്‍ നടന്നു തീര്‍ക്കണം?
സംഗീതാനായര്‍ -
Tags: Thanal Online, web magazine dedicated for
poetry and literature സംഗീതാനായര്‍, തനിച്ചിരിപ്പുകള്‍
